Nikšić je danas pogodilo snažno nevrijeme svega sat vremena nakon što je ovo područje zatresao zemljotres jačine 3,8 stepeni po Rihteru, koji se osjetio i u Bosni i Hercegovini, kao i u Hrvatskoj.
Prema zvaničnim podacima, epicentar zemljotresa bio je 26 kilometara od Nikšića, a podrhtavanje tla uznemirilo je građane, iako zasad nema informacija o ozbiljnijoj materijalnoj šteti.
No, prava drama tek je uslijedila. Gradom je protutnjalo snažno nevrijeme – jaka kiša praćena gradom pretvorila je ulice u bujice, stvarajući velike probleme u saobraćaju, ali i u svakodnevnom životu građana.
Ulice i parkovi u centru grada zabijelili su se pod slojem leda, dajući prizore nalik zimskim mjesecima, iako smo već duboko zakoračili u maj.
Ostavi komentar